جرمنی کے متعدد شہروں میں مغربی کنارے میں جاری اسرائیلی جرائم، فلسطینیوں کے قتل عام اور ہسپتالوں چھاپوں کی مذمت اور فلسطینی عوام کے ساتھ اور یکجہتی کے لئے کئی پروگرام منعقد ہوئے ہیں۔
فرانسیسی پرچم ہاتھوں میں اٹھائے مظاہرین نے حالیہ پیرس حملوں کے خلاف بھی مظاہرے کیے۔جرمن دارلحکومت برلن میں فسلطینیوں، مسلمانوں اور عرب تنظیمیوں کے تعاون سے فلسطینی اسمبلی نے ایک مارچ کا اہتمام کیا۔ مارچ کا مقصد فلسطینیوں کے قتل اور اسرائیلی پالیسیوں کی مذمت اور صہیونی ریاست پر بین الاقوامی قانون کے مطابق مقدمہ چلانے کا مطالبہ تھا۔
13 نومبر بروز جمعہ کو جرمنی کے شہر ہمبرگ میں مظاہرہ کیا گیا۔ یہ مظاہرہ جرمنی میں فلسطین اسمبلی کے تعاون سے کیا گیا۔ مظاہرین نے جرمن حکومت اور عالمی برادری سے پرزور مطالبہ کیا کہ فلسطین میں جاری اسرائیلی جرائم کو روکنے کے لیے مؤثر کردار ادا کریں۔