بیت المقدس میں ہزاروں صیہونی آباد کاروں کا مظاہرہ

قدس نیٹ کی رپورٹ کے مطابق ہزاروں صیہونی آباد کاروں نے جمعہ کی صبح قدس میں مظاہرہ کیا اور مسلمانوں خاص طور پر پیغمبر اکرم (ص) کے خلاف نعرے لگاتے ہوئے عربوں اور مسلمانوں کو قتل کرنے کی ضرورت پر زور دیا اور مسجد الاقصی پر دھاوا بولنے کی کوشش کی۔ صیہونیوں نے یہ کوشش ایک ایسے وقت کی ہے کہ جب صیہونی پولیس بھی مسجد الاقصی کو اپنی جارحیت کا نشانہ بنائے ہوئے ہے اور اس نے ایک بار پھر پچاس سال سے کم عمر کے فلسطینی نمازیوں کے مسجد الاقصی میں داخلے پر پابندی لگا دی ہے۔