مرکزاطلاعات فلسطین کے مطابق عمان میں قائم ایک فوجی عدالت نے منگل کے روز آٹھ موجود ملزمان کو ایک سے پانچ سال قید جب کہ چار غیرحاضر ملزمان کو پندرہ سال قید کی سزائوں کا حکم دیا۔ جب کہ چار زیرحراست ملزمان کو ناکافی ثبوت کی بناء پربری کردیا گیا ہے۔
ان تمام ملزمان کو فلسطینی تحریک مزاحمت کی حمایت کےجرم میں قید اور جرمانوں کی سزائیں سنائی گئی ہیں۔ عدالت میں موجود غسان دوعر، عبدالرحمان الحسن، احمد سمیر کو پانچ سال، محمد القرنہ کو تین سال، ابراہیم یوسف، ادرریس الرفاتی ،انس ابو خضر اور بشیر الحسن کو ایک ایک سال قید کی سزائیں سنائی گئیں۔
عدالت نے ناکافی ثبوتوں کی بناء پر محمد قندیل، مصعب البورینی، انس عواد اور احمد ابو خضیر کو بری کردیا۔
خیال رہے کہ اردنی پولیس نے اکتوبر 2014 ء میں چھاپوں کے دوران بارہ افراد کو حراست میں لیا تھا۔ ان پرفلسطینی تحریک آزادی کی حمایت کا الزام عاید کرتے ہوئے فلسطینی مزاحمتی گروپوں کے ساتھ تعلقات کا الزام عاید کیا گیا تھا۔ بعد ازاں عدالت نے ان بارہ کارکنوں کے خلاف ٹرائل شروع کیا گیا۔ عدالت نے چار غیرحاضر ملزمان کے خلاف بھی ٹرائل شروع کیا۔ ان میں سے دو مناف جبارہ اور عبداللہ الزیتاوی اسرائیلی جیل میں قید ہیں جب کہ دو ملزمان ایک خلیجی ملک میں ہیں۔