مرکزاطلاعات فلسطین کے مطابق حماس کے ترجمان نے ان خیالات کا اظہار مسجد اقصیٰ پر یہودی فوجیوں کی یلغار کے ردعمل میں کیا۔ انہوں نے کہا کہ فلسطینی مزاحمتی قوتیں قبلہ اول کے دفاع کے لیے تمام وسائل کو بروئے کارلائیں گی۔ اسرائیل اس غلط فہمی میں نہ رہے کہ فلسطینی مزاحمتی تنظیمیں اس کےخلاف کچھ کرنے سے گریزاں ہیں۔
خیال رہے کہ اتوار کے روز یہودی آباد کاروں کو قبلہ اول میں داخلے کے دوران انہیں تحفظ فراہم کرتے ہوئے صہیونی فوجیوں نے مسجد میں موجود فلسطینی نمازیوں کو وحشیانہ تشدد کا نشانہ بنایا تھا جس کے نتیجے میں کم سے کم پندرہ افراد زخمی ہو گئے تھے۔
حماس رہ نما نے اسرائیلی فوج کی کارروائی پرخبردار کرتے ہوئے کہا ہے کہ قبلہ اول پریہودیوں کی یلغار اور قابض کے ہاتھوں وحشیانہ تشدد کے واقعات کے سنگین نتائج سامنے آ سکتے ہیں اور ان کا ذمہ دار بھی اسرائیل ہی ہو گا۔
حسام بدران کا کہنا تھا کہ قبلہ اول پریہودی آباد کاروں کے حملے فلسطینیوں کی تحریک مزاحمت کے لیے ایک نیا امتحان ہیں۔ فلسطینی عوام کو صہیونی دشمن کی چیرہ دستیوں کےخلاف اٹھ کھڑا ہونا چاہیے۔ انہوں نے کہا کہ فلسطینی مزاحمتی قوتوں میں قبلہ اول کے دفاع کی پوری صلاحیت موجود ہے اور ہم اس عظیم مقصد کے لیے تمام وسائل کو بروئے کار لانا بھی جانتے ہیں۔
بشکریہ:مرکزاطلاعات فلسطین