فلسطینی وزیرخزانہ نے انکشاف کیا ہے کہ وزیراعظم رامی الحمد اللہ کی قیادت میں قائم قومی حکومت چار ارب بیس کروڑ ڈالر کی مقروض ہے۔ وزیرخزانہ کا کہنا ہے کہ سال رواں کی پہلی ششماہی میں فلسطینی حکومت پرقرضوں کے بوجھ میں کمی ہوئی ہے ۔ تاہم اس کے باوجود اندرون اور بیرون ملک سے حاصل کیے گئے قرضوں کی مقدار چار ارب ڈالر سے تجاوز کر گئی ہے۔
مرکزاطلاعات فلسطین کے مطابق وزیرخزانہ شکری بشارہ نے اپنے ایک انٹرویو میں بتایا کہ رواں سال پہلے ششماہی میں موجودہ حکومت کے دور میں بیرونی قرضوں میں ایک ارب ڈالر کی کمی آی ہے۔
انہوں نے بتایا کہ حکومت نے فلسطین کے مرکزی بنک سے 1.220 ڈالر قلیل اور طویل مدتی معاہدوں کے تحت لیا ہے۔ مختلف عرب ممالک اور غیرملکی مالیاتی اداروں سے لیے گئے قرض میں بھی کمی آئی ہے۔ شکری بشارہ کا کہنا تھا کہ حکومت کو پبلک سیکٹر ریٹائرڈ ملازمین کی ریٹائرمنٹ اور دیگر واجبات کی مد میں 2.1 ارب ڈالر کی رقم ادا کرنا ہے۔
فلسطینی وزارت خزانہ کی جانب سے جاری ایک الگ بیان میں بتایا گیاہے کہ حکومت نے رواں سال کے پہلے چھ ما میں 7.5 ملین ڈالر کے برابر رقم سود کی مد میں فلسطینی نیشنل بنک کو ادا کی ہے۔
بشکریہ:مرکزاطلاعات فلسطین