غزہ جنگ نے اسرائیلی فوج میں ذہنی اور جسمانی معذوروں میں اضافہ کیا: رپورٹ

اسرائیلی وزارت دفاع کی جانب سے جاری ایک رپورٹ میں اس بات کا اعتراف کیا گیا ہے کہ جولائی اور اگست سنہ 2014 ء کے دوران غزہ کی پٹی پر مسلط کی گئی جنگ کے دوران فلسطینی مزاحمت کاروں کی جوابی کارروائیوں میں اسرائیلی فوج میں ذہنی اور جسمانی معذوروں میں اضافہ ہوا ہے۔

رپورٹ میں بتایا گیاہے کہ غزہ جنگ کے دوران 8 فوجی اہلکار ذہنی طورپر 100 فی صد متاثر ہوئے جب کہ 177 فوجی 20 فی صد نفسیاتی اور ذہنی طورپر متاثر ہوئے تھے۔ 72 فوجی 10 تا 19 فی صد جب کہ 73 فوجی 09 فی صد متاثر ہوئے۔

رپورٹ میں بتایا گیا ہے کہ جنگ کے دوران فلسطینی مزاحمت کاروں کے حملوں کے نتیجے میں  جسمانی اور نفسیاتی طورپر متاثر ہونے والوں کا اسپتالوں میں فوری علاج کیا گیا۔ ان میں سے بعض فوجیوں کا ایک سال گذرنے کے بعد بھی وقفے وفقے سے علاج معالجہ جاری ہے۔

بشکریہ:مرکزاطلاعات فلسطین