مرکزاطلاعات فلسطین کے مطابق اسرائیلی فوج کی جانب سے جاری ایک بیان میں دعویٰ کیا گیا ہے کہ جمعہ کے روز جزیرہ سینا سے اشکول کے علاقےمیں ایک راکٹ فائر کیا گیا تاہم اس کےنتیجے میں کسی قسم کا جانی نقصان نہیں ہوا ہے۔
دوسری جانب مصرکی مسلح افواج کے ترجمان محمد سمیر نے اپنے ایک بیان میں اسرائیلی فوج کے راکٹ حملے کے الزام کو یکسر مسترد کردیا ہے۔ ترجمان کا کہنا ہے کہ جزیرہ نما سیناء سے اسرائیل کےزیرقبضہ کسی علاقے میں کوئی راکٹ نہیں داغا گیا ہے۔
اناطولیہ نیوز ایجنسی سے بات کرتے ہوئے محمد سمیر نے کہا کہ جزیرہ سینا سے اسرائیل پر راکٹ حملے کا دعویٰ قطعی بے بنیاد ہے۔ اسرائیل پر راکٹ حملے کا کیا فائدہ ہوسکتا ہے۔
ترجمان نے کہا کہ جزیرہ نما سینامیں اب حالات فوج کے قابو میں ہیں اور تمام اہم مقامات پر فوج کا کنٹرول برقرار ہے۔ انہوں نے کہا کہ فوج جزیرہ سینا میں چھپے دہشت گردوں کے خلاف کارروائی منطقی انجام تک پہنچائے گی۔ انہوں نے یہ بات زور دے کر کہی کہ جزیرہ سینا میں حالات ایک ہزار فی صد مصری فوج کے کنٹرول میں ہیں۔
بشکریہ:مرکزاطلاعات فلسطین