مرکزاطلاعات فلسطین کے مطابق دو روز قبل غزہ کے اٹارنی جنرل اسماعیل جبر نے موبائل فون کمپنی کو ٹیکس چوری کرنے کی وضاحت اور واجب الاداء ٹیکسوں کی ادائیگی کے لیے 48 گھنٹے کی مہلت دی تھی تاہم کمپنی کی جانب سے ٹیکسوں کی عدم ادائی کے باعث آج اس کے دفاتربند کردیے گئے ہیں۔
مرکزاطلاعات فلسطین کے نامہ نگار کے مطابق غزہ کی پٹی میں موبائل فون کمپنی کے مرکزی دفتر کے باہر مرکزی گیٹ پر ایک نوٹس چسپاں کیا گیا ہے جس میں کہا گیا ہے کہ دفتر پراسیکیوٹر جنرل کی ہدایت کے تحت بند کیا گیا ہے۔
خیال رہے کہ حال ہی میں غزہ کی پٹی میں عدالت نے ٹیکسوں کی عدم ادائی میں ملوث بعض فرموں کو خبردار کیا تھا کہ وہ ٹیکس چوری کرنا چھوڑدیں اور واجب الاداء رقوم کی بروقت ادائی کو یقینی بنائیں ورنہ ان کے خلاف قانون کے تحت محکمانہ کارروائی کی جائے گی۔
اٹارنی جنرل اسماعیل جبر کا کہنا تھا کہ موبائل فون کمپنی ٹیکس چوری کی مرتکب ہے۔ اگر اس نے قانون کے مطابق ٹیکس ادا نہ کیا تو اس کے خلاف سخت کارروائی کی جائے گی۔ انہوں نے کہا کہ ہم غزہ کی پٹی میں تمام پرائیویٹ اداروں کا تحفظ کرتے ہیں۔ پوری دنیا میں یہی قانون ہے۔ تحفظ کے بدلے میں ہم ان کمپنیوں سے ٹیکس وصول کرتے ہیں لیکن ایک موبائل فون کمپنی ٹیکس چوری کی مرتکب ہے۔ اسے متعدد مرتبہ وارننگ بھی دی گئی ہے مگر اس پرعمل درآمد نہیں کیا گیا۔
بشکریہ:مرکزاطلاعات فلسطین