مرکزاطلاعات فلسطین کے مطابق یہ واقعہ بدھ کو علی الصباح بیت المقدس میں الطور کے مقام پر پیش آیا۔ مرکزاطلاعات فلسطین کے نامہ نگار کے مراسلے کے مطابق یہودی پولیس اہلکاروں کو کچلنے والے بس ڈرائیور کو صہیونی فوجیوں نے گولیاں مار دیں جس کے نتیجے میں وہ موقع پر شہید ہوگیا۔
ذرائع کے مطابق بس کی ٹکر سے زخمی ہونے والے دو پولیس اہلکاروں کو موقع پرطبی امداد فراہم کی گئی جس کےبعد انہیں "شعاریہ زیڈک” اسپتال منتقل کردیا گیا ہے جہاں ان کا علاج جاری ہے۔ واقعے کے بعد اسرائیلی پولیس اور فوج نے علاقے کو گھیرے میں لے لیا۔
صہیونی فوجیوں کی فائرنگ سے شہید ہونے والے بس ڈرائیور کی شناخت عمران ابو دھیم کے نام سے کی گئی ہے۔ اس کی عمر 41 سال اور تعلق جبل المکبر سے بتایاجاتا ہے۔
ایک مقامی فلسطینی سماجی کارکن مفید ابو غنام نے بتایا کہ فلسطینی بس ڈرائیور نے دانستہ طورپر یہودی پولیس اہلکاروں کو نہیں کچلا بلکہ اس نے ایک کار کو راستہ دینے کی کوشش کی اس دوران صہیونی پولیس اہلکار بس کی زد میں آگئے۔ اسرائیلی پولیس اہلکاروں نے وہیں فائرنگ کرکے بس ڈرائیور کو شہید کردیا۔ تاہم صہیونی پولیس کا کہنا ہے کہ یہ حادثہ نہیں بلکہ دانستہ طورپر پولیس اہلکاروں کوکچلنے کی کوشش کی گئی تھی۔
بشکریہ:مرکزاطلاعات فلسطین