مرکزاطلاعات فلسطین کے مطابق مقامی مزاحمتی کمیٹی کے سپروائزر راتب الجبور نے میڈیا کو بتایا کہ جمعہ کے روز نقاب پوش یہودیوں کی ایک ٹولی نے یطا قصبے میں سوسیا کے مقام پر فلسطینیوں کے کھیتوں پر یلغار کی کوشش تاہم فلسطینی شہری موقع پر پہنچ گئے اور انہوں نے یہودی شرپسندوں کو وہاں سے مار بھگایا۔
الجبور نے بتایا کہ یہودی آباد کار فلسطینی کھیتوں میں داخل ہوچکے تھے تاہم فلسطینیوں کو دیکھتے ہی فرار ہوگئے۔ اس کے بعد صہیونی فوجیوں نے فلسطینیوں کو بھی تشدد کا نشانہ بنایا اور یہودیوں کو بہ حفاظت چھڑا کر لے گئے۔
عینی شاہدین کا کہنا ہے کہ اسرائیلی فوجیوں نے یہودی شرپسندوں کو فول پروف سیکیورٹی مہیا کی تھی۔ قبل ازیں اسی علاقے میں یہودی آباد کار محمد النواجعہ نامی ایک فلسطینی شہری کے باغ میں گھس کر یہودی شرپسندوں نے زیتون کے سیکڑوں چھوٹے پودے تلف کردیے تھے۔
بشکریہ:مرکزاطلاعات فلسطین