لائبرمین کا نیتن یاھو کے اتحاد سے علاحدگی کا اعلان

اسرائیل کے سبکدوش ہونے والے وزیرخارجہ آوی گیڈور لائبرمین نے پیش آئند ایام میں تکیل پانے والے اسرائیلی کابینہ میں شامل نہ ہونے اور وزیراعظم نیتن یاھو کے اتحاد سے علاحدگی کا اعلان کیا ہے۔ لائبرمین کا کہنا ہے کہ میری سیاسی جماعت ’’اسرائیل بیتونا‘‘ نیتن یاھو کی قیادت میں قائم ہونے والی نئی حکومت کا حصہ نہیں بنے گی۔

اسرائیلی اخبار’’ہارٹز‘‘ نے اپنی ویب سائیٹ پرجاری ایک لائبرمین کے نام منسوب بیان میں بتایا ہے کہ ’’ہم اس نتیجے تک پہنچے ہیں کہ موجودہ اتحاد میں شامل رہنا ہمارے لیے اب مناسب نہیں ہے۔ اس لیے بغیر کسی لگی لپٹی رکھے ہم واضح کررہے ہیں کہ اسرائیل بیتونا نیتن یاھو کی کابینہ میں شامل نہیں ہوگی۔

خیال رہے کہ 17 مارچ 2015 ء کو ہونے والے پارلیمانی انتخابات میں لائبرمین کی جماعت نے وزیراعظم بنجمن نیتن یاھو اور بعض دوسری انتہا پسند جماعتوں کے ساتھ مل کرالیکشن میں حصہ لیا تھا اور 120 کے ایوان میں 60 نشستوں پرکامیابی حاصل کی تھی۔ نیتن یاھو کو حکومت سازی کے لیے 67 سیٹوں کی ضرورت ہے، خود نیتن یاھو کی جماعت کے پاس 30 نشستیں ہیں۔

اطلاعات ہیں کہ نیتن یاھو کل بدھ کو اپنی نئی کابینہ کی تشکیل کا اعلان کریں گے۔ لائبرمین کی حکومتی اتحاد سے علاحدگی کا اعلان نیتن یاھو کے لیے ایک نئی پریشانی کا موجب بن سکتا ہے۔

بشکریہ:مرکزاطلاعات فلسطین