فلسطینی اسیران کے حقوق کے لیے جنگ لڑنے والے فلسطینی سماجی کارکن فواد الخفش نے بتایا کہ گذشتہ روز اسرائیلی جیلوں میں حماس کے زیرحراست کارکنان نے اپنی نئی قیادت کا انتخاب کیا ہے۔ اس موقع پر اسیران نے اسیر محمد عرمان کو اپنا سربراہ مقرر کیا ہے۔
انہوں نے بتایا کہ اسیر محمد عرمان رام اللہ کے قریب خربث قصبے سے تعلق رکھتے ہیں۔ 42 سالہ عرمان کو 18 دسمبر 2002 ء کو حراست میں لیا گیا تھا اور انہیں اسرائیلی جیلوں میں حماس سے تعلق کے الزام میں 36 بار عمرقید کی سزا سنائی گئی ہے۔
حماس کے ارکان نے اپنی اعلیٰ اسیر قیادت میں جن دیگر ناموں کا انتخاب کیا ہے ان میں اسیر عبدالناصر عیسیٰ، معاذ سعید بلال، محمد صبحہ، سلیم حجی، بلال البرغوثی، مصطفیٰ الاوسطل، احمد القدری، سلیم الجعبہ، مروان المحتسب، اشرف الصغیر، یعقوب بو عصب، جمال الطویل، معمر شحروری اور اسلام جرار شامل ہیں۔ انہیں اسیران کی سپریم کمیٹی کا رکن منتخب کیا گیا ہے۔ ان میں سے بیشتر کو عمر قید کی سزائوں کا سامنا ہے
بشکریہ:مرکزاطلاعات فلسطین