لاپتا فوجی الخلیل شہر زندہ مل گیا

اسرائیل کا لاپتا فوجی جمعہ کی شب جنوب مغربی کنارے کے شہر الخلیل کی غصب شدہ سرزمین پر قائم کریات اربع یہودی بستی سے زندہ مل گیا۔
 
اسرائیلی ذرائع کے مطابق صہیونی فوج نے اغوا کے سات گھنٹوں کے دوران ہی اپنے فوجی نیر اسرف کے ملنے کی تصدیق کی دی۔ لاپتا فوجی کریات اربع یہودی بستی میں اپنے دوست کے اہل خانہ کے ہمراہ تھا کہ اس نے ٹی وی پر اپنی گمشدگی اور اغوا کی خبر دیکھی، جس پر اس سے اپنی یونٹ سے فوری رابطہ کر کے اپنی خریت اور زندہ سلامت ہونے کی اطلاع دی۔

اسرائیل کے چینل ٹو نے بتایا کہ یہودی بستی میں جس دوست کے ہمراہ وہ گارڈ کے فرائض سرانجام دے رہا تھا، اسے حکام نے حراست میں لے لیا ہے۔

عبرانی ویب پورٹلز نے اس سے قبل رپورٹ کیا تھا کہ الخلیل کے قریب اسرائیلی فوجی کے اغوا کے ڈانڈے عشق ومحبت کی کہانی سے ملتے ہیں کیونکہ غائب ہونے والے فوجی نے اپنے دوست کو بتایا تھا کہ اس کے لاپتا ہونے کی خبر سن کر یقینا اس کی دوست اس سے دوبارہ ملنے آئے گی۔

اسرائیلی پولیس کے مطابق گذشتہ روز عصر کے وقت اسرائیلی فوجی بئر السبع میں کریات اربع یہودی بستی میں اس وقت لاپتا ہوا جب اس کی گاڑی ایک جگہ خراب ہو گئی اور وہ فوری طور پر اپنی یونٹ سے رابطہ کھو بیٹھا۔

بشکریہ:مرکزاطلاعات فلسطین