اسلامی تحریک مزاحمت ’’حماس‘‘ نے جماعت کے بانی الشیخ احمد یاسین شہید کے مقام شہادت پر ان کی یاد میں ایک یادگار بنانے کا اعلان کیا ہے۔ یادگار کا افتتاح آج ہفتے کے روز کیا جائے گا۔ اس موقع پر حماس کی مرکزی قیادت بھی شرکت کرے گی۔
حماس کے ایک با خبر ذرائع نے مرکزاطلاعات فلسطین کو بتایا کہ الشیخ احمد یاسین شہید کے مقام شہادت کی جگہ یادگار بنانے کی تیاریاں مکمل کی جاچکی ہیں۔ آج ہفتے کے روز وسطی غزہ کی الصبرہ کالونی کی اسلامی آڈیٹوریم مسجد کے قریب نماز عشاء کے بعد یادگار کا افتتاح کیاجائے گا۔
الشیخ احمد یاسین شہید کے مقام شہادت کی جگہ ان کی شہادت کے حوالے سے یادگاری تقریب میں عوام الناس سے بھی شرکت کی اپیل کی گئی ہے۔
خیال رہے کہ الشیخ احمد یاسین شہید کی 22 مارچ کو 11 ویں برسی منائی جا رہی ہے۔ انہیں آج سے گیارہ سال پیشتر اسرائیلی فوج کے جنگی طیاروں نے نماز فجر کے وقت مسجد پر بمباری کرکے ان کے متعدد ساتھیوں سمیت شہید کردیا تھا۔
بشکریہ:مرکزاطلاعات فلسطین