یہودی شرپسندوں کا حضرت یوسف علیہ السلام کے مزارپردھاوا

فلسطین کے مقبوضہ مغربی کنارے کے تاریخی شہر نابلس میں یہودی آبادکاروں کی بڑی تعداد نے جلیل القدر پیغمبر حضرتیوسف علیہ السلام کےمزار پر دھاوا بول دیا اور دیر تک وہاں تلمودی تعلیمات کے مطابق مذہبی رسومات ادا کرتے اور مقدس مقام کی بے حرمتی کرتے رہے۔
عینی شاہدین نے مرکزاطلاعات فلسطین کے نامہ نگار کو بتایا کہ سیکڑوں یہودی شرپسندوں نے منگل کو پولیس اور صہیونی فوج کی سخت سیکیورٹی میں حضرتیوسفکےمزار پرہلہ بولا۔ فلسطینی شہریوں نے یہودی بلوائیوں کو روکنے کے لیے ان کی گاڑیوں پر سنگ باری کی۔ جس کے بعد فلسطینی شہریوں اور اسرائیلی پولیس میں بھی جھڑپیں ہوئیں۔ صہیونی فوجیوں نے فلسطینی مظاہرین پر آنسوگیس کی شیلنگ کی اور لاٹھی چارج کیا جس کے نتیجے میں متعدد افراد زخمی ہوگئے۔ صہیونی فوجیوں نے فلسطینیوں کے خلاف کریک ڈائون میں کم سے کم آٹھ افراد کو حراست میں بھی لے لیا ہے۔

اس سے قبل وسط شب میں‌ بھی درجنوں یہودیوں نے مذہبی رسومات کی ادائی کی آڑ میں حضرتیوسفکےمزارپردھاوا بولا تھا۔ عینی شاہدین نے تبایا کہ یہودی آبادکاروں کی آمد سے قبل اسرائیلی پولیس اور فوجیوں کی بڑی تعداد نے نابلس کے اہم شاہرائوں پر گشت شروع کردیا تھا۔

جمعرات کو علی الصباح بھی یہودی فوجیوں کی بڑی تعداد نے نابلس میں بلاطہ پناہ گزین کیمپ کے قریب شاہراہ عمان گشت کیا۔ قابض فوجیوں نے کیمپ کے مکین ابوعزام ابوالعدس کے مکان پرچھاپہ مار اس کی تلاشی بھی لی اور گھر میں موجود قیمتی سامان کی توڑپھوڑ کی۔

بشکریہ:مرکزاطلاعات فلسطین