مرکزاطلاعات فلسطین کے مطابق حماس کے ترجمان ڈاکٹر سامی ابوزھری نے اپنے ایک بیان میں جنرل میئر ڈاگان کے بیان کو صہیونی ریاست کی فلسطینی تحریک مزاحمت کے ہاتھوں ہزیمت کا اعتراف قرار دیا۔ انہوں نے کہا کہ فلسطینی مزاحمتی گروپوں نے دشمن کو حقیقی معنوں میں غزہ کی جنگ میں ذلت آمیز شکست سے دوچار کیا ہے جس کا اعتراف خود صہیونی حکام بھی کرنے لگے ہیں۔
ترجمان نے کہا کہ اسرائیل نے پچھلے سال غزہ کی جنگ میں اپنی شکست چھپانے کے لیے بھرپور کوشش کی لیکن خود صہیونی حکام فوج کی بدترین شکست کا اعتراف کر کے شکست چھپانے کی کوشش میں بری طرح ناکام ہو چکے ہیں۔
خیال رہے کہ حال ہی میں اسرائیلی خفیہ ادارے کے سابق چیف جنرل میئر ڈاگان نے کہا تھا کہ وزیراعظم بجمن نیتن یاھو ملک لیے سنگین خطرے اور تزویراتی نقصان کا موجب بنے ہیں۔ انہوں نے اعتراف کیا کہ پچھلے سال غزہ کی پٹی میں اسرائیل کی مسلط کردہ جنگ میں فوج کو بدترین شکست کا سامنا کرنا پڑا ہے۔
موساد کے سابق چیف نے نیتن یاھو کی پالیسیوں کی شدید مذمت کرتے ہوئے کہا ہے کہ ان کا اقتدار میں رہنا اسرائیل کے مفاد میں نہیں ہے۔
بشکریہ:مرکزاطلاعات فلسطین