خیال رہے کہ 16 اور 17 فروری کو اسرائیل کے دارالحکومت تل ابیب میں ایک کانفرنس میں شمالی فلسطین سے تعلق رکھنے والے کئی اہم شخصیات نے شرکت کی تھی۔ شرکت کرنے والے اہم رہ نماوں میں اسماء غباریہ، سامی ابوشحادہ اور کئی دوسرے افراد شامل تھے۔ کانفرنس میں اسرائیلی وزیردفاع موشے یعلون، وزیرخارجہ آوی گیڈور لائبرمین اور متعدد فوجی جرنیل بھی شریک تھے۔
مرکز اطلاعات فلسطین کے مطابق عوام محاذ برائے آزادی فلسطین کی جانب سے جاری ایک بیان میں فلسطینی رہ نماوں کی جانب سے صہیونی کانفرنس میں شرکت کی مذمت کرتے ہوئے اس کی شدید مذمت کی ہے۔ بیان میں کہا گیا ہے کہ فلسطینی شخصیات نے قوم کے قاتلوں کے پہلو میں بیٹھ کر شہداء کے خون سے غداری کی ہے۔
بیان میں کہا گیا ہے کہ صہیونی کانفرنس میں فلسطینی رہ نماوں کی شرکت ایک ایسے وقت میں ہوئی ہے جب پوری دنیا میں اسرائیل کے بائیکاٹ کی مہمات چل رہی ہیں۔ ایسے حالات میں فلسطینیوں کا اسرائیل کی کسی بھی کانفرنس میں شرکت کرنا اس کے ساتھ سفارتی تعلقات استوار کرنے کی کوششوں کے ساتھ ساتھ عالمی بائیکاٹ کی مہمات کو غیر موثر کرنے کے مترادف ہے۔
بشکریہ:مرکزاطلاعات فلسطین