غزہ کی پٹی میں ایک خاندان کو اپنے بیٹے کی شادی اس کے بغیر ہی کرنا پڑ گئی کیونکہ دلہا ڈاکٹر باسل مصر اور غزہ کے درمیان رفح کراسنگ کی مسلسل کئی ماہ کی بندش کی وجہ سے گھر واپس نہیں لوٹ سکا۔
شادی کی تقریب میں صرف دلہن ڈاکٹر امل محسن شریک ہو سکی ہیں کیونکہ اس کے دولہے نے غزہ کی زمینی کراسنگ بند ہونے کی وجہ سے غزہ آنے سے معذرت کر لی تھی۔
ڈاکٹر باسل کی شادی کے دعوت نامے میں باقاعدہ طور پر یہ تحریر درج تھی کہ ‘دلہا نے رفح کراسنگ بند ہونے کی وجہ سے اردن سے واپس نہ آ سکنے پر معذرت کی ہے’۔
مصری حکام نے گذشتہ برس 24 اکتوبر سے رفح کراسنگ بند کر رکھی ہے جس کے باعث علاقے کا محاصرہ مزید سخت ہو گیا ہے اور سرحد کے دونوں جانب طلبہ، مریضوں اور عامہ الناس کی بڑی تعداد پھنس کر رہ گئی ہے۔
بشکریہ:مرکزاطلاعات فلسطین