مرکز اطلاعات فلسطین کے مطابق سزا پانے والی خاتون 60 سالہ ام رائد کا تعلق مقبوضہ مغربی کنارے کے شہر جنین سے بتایا جاتا ہے۔
سزا پانے والی بوڑھی خاتون کے خاندان کے ایک ذریعے نے مرکز اطلاعات فلسطین کو بتایا کہ ام رائد پر صہیونی حکام کی جانب سے ایک جعلی مقدمہ قائم کیا گیا جس میں الزام عاید کیا گیا ہے کہ اس نے جیل میں قید اپنے بیٹے سے ملاقات کے دوران اسے موبائل فون کا ایک سیٹ پہنچایا تھا۔ صہیونی حکام کا یہ دعویٰ ثابت نہیں ہوسکا لیکن اس کے باوجود اسرائیلی عدالت نے اچانک اپنا فیصلہ سناتے ہوئے فلسطینی خاتون کو گیارہ ماہ قید اور بھاری جرمانہ کی سزا سنادی۔
دوسری جانب انسانی حقوق کی تنظیموں نے صہیونی عدالت کے فیصلے کو ظالمانہ اور غیر انسانی قرار دیا ہے۔ کلب برائے اسیران کی جانب سے جاری ایک بیان میں کہا گیا ہے کہ صہیونی عدالت کا فیصلہ نہ صرف اچانک ہے بلکہ انصاف اور قانون کے تقاضوں سے بھی ماورا ہے۔ معمر خاتون خنفر المعروف ام راید کی طبی حالت بھی خراب ہے۔
خیال ہے کہ فلسطینی خاتون الحاجہ خنفر المعروف ام رائد کو صہیونی حکام نے 03 فروری 2013ء کو جزیرہ نما النقب کی جیل میں قید اپنے بیٹے رامی سے ملاقات کے دوران حراست میں لیا تھا، تاہم اسے بعد ازاں تیس ہزارشیکل کی ضمانت پر رہا کردیا گیا تھا۔
بشکریہ:مرکزاطلاعات فلسطین