تہران میں مرکز اطلاعات فلسطین کے نامہ نگار نے بتایا کہ علی رضا بہرھی میلے کے سیکرٹری جنرل ہیں۔ انہوں نے ایک نیوز کانفرنس سے خطاب کرتے ہوئے کہا کہ تہران میں فلسطینی تحریک مزاحمت کے حوالے سے ادبی کاوشوں کی نمائش ایک منفرد کوشش ہے جس کا مقصد فلسطینی تحریک انتفاضہ الاقصیٰ اور انتفاضہ القدس کی حمایت کرنا ہے۔ انہوں نے کہا کہ ادبی میلے میں ایران میں کی تحریک آزادی کے حوالے سے مرتب کردہ لٹریچر، افسانوں، ڈراموں، فلموں اور شاعری کو خصوصی طور پر پیش کیا جائے گا۔
علی رضا بہرمی کا کہنا تھا کہ ایران میں فلسطینی مزاحمت کے حوالے سے مزاحمتی ادب بڑے پیمانے پر تخلیق ہو رہا ہے، جس میں بیت المقدس کی تاریخ، فلسطین اور مسئلہ فلسطین کے تاریخی، تہذیبی اور ثقافتی پہلووں پر روشنی ڈالی گئی ہے۔
ایرانی عہدیدار کا کہنا تھا کہ انہیں ملک کے مختلف شہریوں کی جانب سے ایک ہزار شعری مجموعے موصول ہوچکے ہیں۔ میلے میں شرکت کے لیے نوجوانواں بالخصوص 23 اور 24 سال کے درمیان کے نوجوانوں کی حوصلہ افزائی کی جائے گی۔
میلے سے ایران کی اہم سیاسی، سماجی اور ادبی شخصیات کے علاوہ بیرون ملک سے آئے مہمان بھی خطاب کریں گے۔ اس موقع پر حماس کے ایران میں مندوب خالد القدومی کا بھی خصوصی خطاب ہوگا۔
بشکریہ:مرکزاطلاعات فلسطین