یو این میں فلسطین کی حمایت میں پانچ قراردادیں بھاری اکثریت سے منظور

اقوام متحدہ کی جنرل اسمبلی میں مسئلہ فلسطین کی حمایت اور مشرق وسطیٰ میں قیام امن کے حوالے سے آج بدھ کے روز پانچ قراردادیں بھاری اکثریت کے ساتھ منظور کر لی گئیں۔

مرکز اطلاعات فلسطین کے مطابق پہلی قرارداد بہ عنوان ’’مسئلہ فلسطین کا پرامن ذرائع سے حل‘‘ پیش کی گئی جس کی حمایت میں 148 ارکان نے حمایت میں جبکہ 06 نے مخالفت میں ووٹ ڈالا جبکہ آٹھ ارکان نے رائے شماری میں حصہ نہیں لیا۔

دوسری قرارداد بیت المقدس میں فوری اور مستقل قیام امن کے حوالے سے پیش کی گئی جس کی حمایت میں 144 نے ووٹ ڈالا۔ چھ ارکان نے مخالفت میں رائے دی جبکہ 10 نے رائے شماری میں حصہ نہیں لیا۔

تیسری قرارداد میں فلسطین کے پبلک انفارمیشن پروگرام کی حمایت میں پیش کی گئی جس کی حمایت میں 147 ارکان نے ووٹ ڈالا سات نے مخالفت کی اور نو ارکان نے رائے شماری میں حصہ نہیں لیا۔

چوتھی قرارداد بھی نہایت اہمیت کی حامل تھی جس میں قرارادیا گیا کہ فلسطینی قوم کے حقوق کسی دوسرے کے لیے ناقابل تصرف ہیں۔ اس قراداد کی حمایت میں 94 ارکان نے ووٹ ڈالا، سات نے مخالفت کی جبکہ 56 نے رائے شماری میں حصہ نہیں لیا۔

فلسطینی قوم کی حمایت میں پانچویں قراراد کی حمایت میں 91 ارکان نے ووٹ ڈالا، سات نے مخالفت کی جبکہ 59 نے رائے شماری میں حصہ نہیں لیا۔
قراردادوں کی بھاری اکثریت سے منظوری کے بعد اقوام متحدہ میں فلسطین کے مستقل مندوب ریاض منصور نے جنرل اسمبلی کے ارکان کا شکریہ ادا کیا۔

انہوں نے کہا کہ عالمی قانون ہی فلسطینیوں کو ان کے سلب شدہ حقوق واپس دلوانے کی ضمایت فراہم کرتا ہے۔ فلسطینی اپنے حقوق کے لیے پرامن طور پر مسلسل جدو جہد کر رہے ہیں۔ ہم ایک ایسی آزاد ریاست چاہتے ہیں جس میں مشرقی بیت المقدس کو اس کا دارالحکومت بنایا جائے۔

بشکریہ:مرکزاطلاعات فلسطین