فلسطین میں انسانی حقوق کی تنظیم "مرکز احرار” کی جانب سے جاری ایک بیان میں بتایا گیا ہے کہ صہیونی جیل میں قید فلسطینی خواتین کی تعداد 20 تک جا پہنچی ہے۔ یہ تمام اسیرات مقبوضہ فلسطین کے ھشارون نامی ایک قید خانے میں پابند سلاسل ہیں۔
مرکز اطلاعات فلسطین کے مطابق انسانی حقوق کی تنظیم کا کہنا ہے کہ حال ہی میں اسرائیلی فوج نے دو فلسطینی خواتین انعام قولومبو اور بشریٰ جمال الطویل کو حراست میں لیا۔ دونوں خواتین ماضی میں بھی اسرائیلی جیلوں میں قید کاٹ چکی ہیں۔ دونوں کو مقبوضہ مغربی کنارے میں غزہ کی پٹی میں اسرائیلی جارحیت کے خلاف احتجاجی مظاہرے منظم کرنے کی پاداش میں گرفتار کرکے جیلوں میں ڈالا۔ بشریٰ الطویل مغربی کنارے میں خواتین کے حقوق کے لیے سرگرم ایک تنظیم "انین القید” کی ترجمان ہیں۔
اسرائیلی جیلوں میں قید بعض خواتین کئی بچوں کی مائیں ہیں۔ ان میں سے بعض کے شوہر بھی صہیونی عقوبت خانوں میں پابند سلاسل ہیں۔