فلسطین کے علاقے غزہ کی پٹی پر اسرائیلی فوج کی ریاستی دہشت گردی اور اکاون روز تک جاری رہنے والی جارحیت کے بعد اسرائیل کے داخلی سلامتی کے اداروں میں سخت اختلافات سامنے آئے ہیں۔
عبرانی اخبار”ہارٹز” کے مطابق خفیہ ادارہ شاباک”شن بیت” اور ملٹری انٹیلی جنس کے "امان” کے درمیان سخت اختلافات پیدا ہوئے ہیں۔
اخبار لکھتا ہے کہ دونوں خفیہ اداروں کے درمیان اختلافات اس بات ہیں کہ غزہ پر حملے سے قبل انہیں اسلامی تحریک مزاحمت”حماس” کی دفاعی صلاحیت کی درست معلومات نہیں مل سکیں۔ دونوں ادارے اس ناکامی کو ایک دوسرے پر ڈال رہے ہیں۔ خفیہ ادارا شاک کہتا ہےکہ غزہ کی جنگ کےبارے میں ملٹری انٹیلی جنس نے غلط معلومات فراہم کیں اور اسرائیل کو جنگ میں دھکیلا گیا۔ رپورٹ کے مطابق دونوں سیکیورٹی انٹیلی جنس اداروں کے درمیان تین اہم امور پر اختلافات زیادہ شدت اختیار کرتے جا رہے ہیں۔ اول یہ کہ حماس کے ہاں غزہ میں کھودی گئی سرنگیں، دوم جنگ کے بارے میں بلند باغی کامیابی کے قبل از وقت دعوے اور اورسوم حماس کی دفاعی صلاحیت جیسے اہم نکات شامل ہیں۔
خفیہ ادارے "امان” کا کہنا ہے کہ اپریل میں شاباک کی جانب سے ایک انتباہی دستاویز جاری کی گئی تھی جس میں کہا گیا تھا کہ حماس جنوبی غزہ میں کرم ابو سالم کے مقام پر اسرائیلی فوجیوں کے اغواء کی ایک بڑی منصوبہ بندی کررہی ہے۔ یہ رپورٹ بھی غلط ثابت ہوئی کیونکہ اس کا کوئی ثبوت نہیں مل سکا ہے۔