فلسطین میں غزہ کی پٹی میں مزاحمتی گروپوں اور اسرائیل کے درمیان تین روزہ عارضی جنگ بندی کے باوجود اسرائیلی فوج کی نہتے شہریوں پر گولہ باری جاری ہے۔ مصر کی ثالثی سے طے پائی تین روزہ عارضی جنگ بندی میں آج تیسرے روز دوسری مرتبہ اسرائیلی فوج نے جنگ بندی کی خلاف ورزی کرتے ہوئے جنوبی رفح میں سمندر میں ماہی گیروں پر فائرنگ کی۔
خیال رہے کہ فلسطینی مزاحمت کاروں اور اسرائیل کے درمیان گذشتہ اتوار اور پیرکی درمیانی شب 72 گھنٹے کے لیے عارضی جنگ بندی پ راتفاق کیا گیا تھا۔ گذشتہ روز اسرائیلی فوج کی بحریہ نے جنوبی غزہ میں رفح کے مقام پر گولہ باری کی گئی۔ آج بھی اسرائیلی جنگی کشتیوں نے سمندر میں ماہی گیری کرنے والے فلسطینی شہریوں پر فائرنگ کی۔ تاہم فائرنگ میں کسی قسم کے جانی نقصان کی اطلاع نہیں مل سکی ہے۔