اسرائیلی فوج نے منگل کے روز ایک بیان میں غزہ کی پٹی میں مزاحمت کاروں کے حملوں میں اپنے 29 فوجی سپاہیوں اور افسروں کے ہلاک ہونے کی تصدیق کی ہے۔
مرکز اطلاعات فلسطین نے اسرائیلی میڈیا کے حوالے سے اپنی رپورٹ میں اطلاع دی ہے کہ صہیونی ملٹری کے سینسر بورڈ نے تازہ کارروائیوں میں اپنے 29 فوجی اہلکاروں کے قتل اور درجنوں کے زخمی ہونے کی خبر میڈیا پر جاری کرنے کی اجازت دے دی جس کے بعد گذشتہ روز ہونے والے جانی نقصان کی تفصیلات جاری کی گئی ہیں۔ قبل ازیں سوموار کو صہیونی فوج کی جانب سے الشجاعیہ میں اپنے سات فوجیوں کی ہلاکت کی تصدیق کی تھی۔
خیال رہے کہ گذشتہ جمعرات کے روز سے غزہ کی پٹی میں زمینی چڑھائی کے دوران کم سے کم درجنوں صہیونی فوجی ہلاک اور درجنوں زخمی ہوئے ہیں. القسام بریگیڈ کا کہنا ہے کہ صہیونی فوج پر حملوں میں دشمن کے 52 فوجیوں کو جہنم واصل کردیا گیا ہے۔