مرکز اطلاعات فلسطین کے مطابق حماس کے ترجمان ڈاکٹر سامی ابو زھری نے کہا کہ "صہیونی دشمن وزیراعظم بنجمن نیتن یاھو کو یہ معلوم ہونا چاہیے کہ غزہ کی پٹی میں زمینی آپریشن فوج کو گہری اندھی کھائی میں دھکیلنے کے متراف ہے۔ غزہ کا بچہ بچہ سروں پر کفن باندھ کر دشمن پر حملہ آور ہو گا اور غزہ کو اسرائیلی فوج کا قبرستان بنا دے گا۔
ترجمان نے کہا کہ نیتین یاھو اپنی فوج کو ہمارے بچوں کو شہید کرنے کے احکامات دے کر آگ سے کھیل رہا ہے۔ غزہ کی پٹی میں داخل ہونے والی دشمن کی فوج کا پھولوں سے نہیں بموں سے استقبال کیا جائے گا۔
فلسطین کا بچہ بچہ مجاھد بن چکا ہے۔ شہر میں داخل ہونے والی فوج ایسی گہری کھائی میں پھنسی گی جہاں سے اس کا نکلنا ناممکن ہو جائے گا۔ نیتن یاھو کو نہتے فلسطینی بچوں کوشہید کرنے کی بھاری قیمت چکانا پڑے گی۔
ڈاکٹر سامی ابوزھری نے غزہ کے عوام پر زور دیا کہ وہ دشمن کی جارحیت سے خوف زدہ ہونے کے بجائے دشمن کو ناک رگڑنے پر مجبور کر دیں تاکہ دشمن دوبارہ نہتے شہریوں کا اجتماعی قتل عام کرنے سے کی جرات نہ کر سکے۔