فلسطینی شہر غزہ کی پٹی پر پچھلے چار روز سے جاری وحشیانہ کارروائیوں کا سلسلہ جاری ہے۔ اطلاعات کے مطابق جمعرات اور بدھ کے درمیانی شب غزہ پر آگ اور بارود کی بارش کے نتیجے میں خواتین اور بچوں سمیت مزید 20 افراد شہید ہوگئے، جس کے بعد مجموعی طور پر شہداء کی تعداد 72 اور زخمیوں کی 550 سے تجاوز کر گئی ہے۔ بمباری میں دسیوں مکانات مسمار کیے گئے ہیں۔
مرکز اطلاعات فلسطین کے مطابق اسرائیلی فوج کے غزہ کی پٹی میں "شیلف اسٹیڈ فاسٹ” میں گنجان آباد علاقوں پر غیرمعمولی تباہی پھیلانے والے ہتھیاروں کا بے دریغ استعمال جاری ہے جس کے نتیجے میں بے پناہ جانی اور مالی نقصان ہو رہا ہے۔
ادھر اسرائیلی فوج کی ریاستی دہشت گردی کے جواب میں فلسطینی مزاحمت کاروں نے بھی مقبوضہ بیت المقدس اور اسرائیل کے زیرتسلط کئی دوسرے شہروں میں اسرائیلی تنصیبات پر راکٹ حملے کیے ہیں۔ غزہ کی پٹی سے بیت المقدس میں اسرائیلی کالونیوں "ار160” راکٹوں سے حملے کیے گئے جبکہ اسرائیلی ایٹمی پلانٹ دیمونا پر "ایم 75” طزر کے چار راکٹ فائر کیے گئے۔ ادھر مقبوضہ فلسطین کے دور دراز علاقوں اور اسرائیلی وزیراعظم بنجمن نینتن یاھو کے آبائی شہر کرم ابو سال، الخضیرہ اور دیگر مقامات پر بھی تازہ راکٹ حملے کیے گئے ہیں۔