حماس کے خارجہ تعلقات کے ڈائریکٹر اوسامہ حمدان نے ایک بار پھر اپنی تحریک کی جانب سے بیت المقدس پر صیہونی قبضہ ہوتے ہوئے مقبوضہ فلسطین کے باہر سے کسی بھی مسلمان کی جانب سے مسجد اقصٰی کے دورے کو مسترد کیا ہے۔
حمدن نے یہ بیان اتوار کے روز دوہا میں بین الاقوامی یونین برائے اسلامی اسکالرز کی ایک تقریب کے موقع پر دیا۔ حمدان نے کہا کہ اس وقت فلسطین کو آزاد کروانے کے لئے عرب اور تمام مسلمانوں کو جدوجہد کرنا ہوگی اور فلسطین صرف طاقت کے استعمال ہی سے آزاد ہوسکتا ہے۔حماس رہنما کا کہنا تھا کہ،” ہم قوم سے مطالبہ کرتے ہیں کہ وہ بیت المقدس یا فلسطینی زمین پر تمام امریکی دبائو اور پابندیوں کے باوجود بھی کسی قسم کا کوئی سمجھوتہ نہ کریں۔”
انہوں نے اس موقع پر 1948 میں قبضے میں لی جانیوالی فلسطینی زمین کو بھی نہ بھولنے کا مطالبہ کرتے ہوئے کہا کہ اگر مسلم قوم نے ایسا کیا تو یہ بہت شرمناک ہوگا۔