اسلامی تحریک مزاحمت "حماس” نے پیش آئند صدارتی انتخابات میں حصہ لینے پر غور شروع کردیا ہے۔ مرکز اطلاعات فلسطین کے مطابق حماس کے ایک ذمہ دار ذرائع کا کہنا ہے کہ
جماعت نے ابھی تک صدارتی انتخابات میں حصہ لینے کا حتمی فیصلہ نہیں کیا ہے۔ ذرائع ابلاغ میں آنے والی بعض خبریں جن میں کہا گیا ہے کہ حماس نے صدارتی انتخابات کی دوڑ میں شامل ہونے کا فیصلہ کر لیا ہے، بے بنیاد ہیں۔ کیونکہ ابھی تک اس نوعیت کا کوئی فیصلہ نہیں ہوا۔
ذرائع کا کہنا ہے کہ حماس جلد ہی یہ فیصلہ کرے گی کہ آیا اس نے پارلیمانی انتخابات کے ساتھ ساتھ صدارتی الیکشن میں بھی حصہ لینا ہے یا نہیں۔
ذرائع نے حماس رہ نما ڈاکٹر خلیل حیہ کے نام میڈیا میں شائع ہونے والے اس بیان کو درست قرار دیا جس میں ان کا کہنا تھا کہ حماس پارلیمانی انتخابات میں حصہ لے گی مگر صدارتی انتخابات میں شمولیت کے بارے میں غور کر رہی ہے۔ تاہم انہوں نے یہ نہیں کہا کہ حماس نے ایسا فیصلہ کرلیا ہے۔
بشکریہ:مرکزاطلاعات فلسطین