فلسطین میں انسانی حقوق کے اداروں کی جانب سے جاری کردہ اطلاعات میں بتایا گیا ہے کہ صہیونی ریاست کی عدالتوں کی جانب سے حراست میں لیے گئے 54 فلسطینی قیدیوں کی مدت حراست
میں توسیع کی گئی ہے۔ توسیع کا مقصد فلسطینی قیدیوں کے خلاف جاری قانونی کارروائی اور تحقیق کا عمل آگے بڑھانا ہے۔
فلسطین میں اسیران کے حقوق کے لیے سرگرم تنظیم "کلب برائے اسیران” کی جانب سے جاری ایک بیان میں بتایا گیا ہے کہ مغربی کنارے کی "الجلمہ” فوجی عدالت تین فلسطینی اسیران کی مدت حراست میں توسیع کا حکم دیا، جبکہ "مسکوبیہ” تفتیشی سینٹر کی عدالت کی طرف سے چار فلسطینی اسیران جبکہ "بیت تکفا” کی عدالت نے 10 فلسطینی اسیران کی مدت حراست میں توسیع کی اجازت دی ہے۔
ادھر شمال مغربی کنارے میں قائم اسرائیل کی فوجی عدالتوں "سالم” اور "عوفر” کی جانب سے 27 فلسطینی اسیران کی مدت حراست میں توسیع کا حکم دیا گیا ہے تاکہ اسیران کے خلاف قانونی کارروائی کو آگے بڑھاتے ہوئے ان کے خلاف مقدمات کو حتمی شکل دی جاسکے۔
بشکریہ:مرکزاطلاعات فلسطین