قابض اسرائیلی فوج نے جنین کے گائوں کفر راعی سے ایک فلسطینی شخص کو حراست میں لے لیا جو کہ اپنے بھائی کو علاج کے لئے حیفہ ہسپتال لے کر جانے کی کوشش کررہا تھا۔
مقامی ذرائع نے مرکز اطلاعات فلسطین کو بتایا ہے کہ محمد عبدالرحیم صبائح کو اسرائیلی فوج نے بھائی کے علاج کے لئے پرمٹ ہونے کے باوجود 1948ء کے مقبوضہ فلسطینی علاقوں میں داخل ہوتے ساتھ ہی گرفتار کرلیا۔ذرائع نے بتایا ہے کہ صبائح کو بغیر کوئی وجہ بتائے نامعلوم تفتیشی مرکز میں منتقل کردیا گیا۔