اسرائیل کی ایک عدالت نے مقبوضہ فلسطین کے سنہ 1948 ء کے علاقے بئر سبع سے تعلق رکھنے والے اسیر عبدالکریم الریماوی کو مادہ تولید جیل سے باہر منتقل کرنے کی پاداش میں پانچ ہزار شیکل جرمانہ اور دو ماہ تک اہل خانہ سے ملاقات پر پابندی کی سزا سنائی ہے۔
خیال رہے کہ سماجی اداروں اور ڈاکٹروں کے تعاون سے اسیر عبدالکریم الریماوی کا مادہ منویہ جیل سے لے جا کر اس کی اہلیہ کے جسم میں منتقل کیا گیا تھا جس کے بعد اس سے ایک بچہ پیدا ہوا۔ اب اس کی عمر آٹھ ماہ ہوچکی ہے۔
مرکز اطلاعات فلسطین کے مطابق اسیران کے حقوق کے لیے کام کرنے والے ادارے "کلب برائے اسیران” کا کہنا ہے کہ الریماوی کو پچیس سال قید کا سامنا ہے، جن میں سے بارہ سال وہ صہیونی جیل میں قید کاٹ چکا ہے۔
بشکریہ:مرکزاطلاعات فلسطین