فلسطین میں قیدیوں کے حقوق کے لیے کام کرنے والے اداروں کی جانب اطلاع دی گئی ہے کہ صہیونی جیل حکام نے رام اللہ میں قائم "عوفر” جیل میں فلسطینی قیدیوں پر نئی پابندیاں لگائی گئی ہیں۔ جیل میں مقید اٹھارہ قیدیوں کی اپنے عزیزوں سے ملاقات اور کینیٹن سے اشیائےضروریہ حاصل کرنے پر پابندی لگا دی ہے۔
مرکز اطلاعات فلسطین کے مطابق کلب برائے اسیران کی جانب سے جاری ایک بیان میں بتایا گیا ہے کہ صہیونی جیل حکام کی جانب سے جیل کے وارڈ نمبر پندرہ میں زیرحراست یعقوب جرادات، ثائرغنام، نصفار ابو میزر، تامر جرادات، ریاض جرادات، راجی جرادات، عبدالعزیز مسالمہ، اکرم الفسیسی، امین البطاط، عارف حریبات، ھشام ابو ھواش، عسیٰ ابو عرقوب، مشیر الشحاتیت، مراد ھمدان ، محمد عمر، راشد محمد قزاز، محمد ابو ماریا اور محمد ابو العدس کو نوٹس جاری کیے کہ وہ اپنے عزیزوں سے ملاقات کرسکتے ہیں اور نہ ہی جیل کی کینٹین سے استفادہ کرسکتے ہیں۔ واضح رہے کہ ان تمام اسیران کا تعلق مقبوضہ مغربی کنارے کے شہر الخلیل سے بتایا جاتا ہے۔