اسرائیلی حکام نے مقبوضہ بیت المقدس کے علاقے "بیت حنینا” میں یہودی آبادکاروں کے لیے مزید 22 مکانات کی تعمیر کی منصوبہ بندی مکمل کرنے کے تعمیرات شروع کرنے کے انتظامات مکمل کرلیے ہیں۔ چند ہفتے قبل اسی علاقے میں یہودی فوجیوں نے فلسطینیوں کے تین مکانات مسمار کرکے یہاں پر تعمیرات کا سلسلہ روک دیا تھا۔
مرکزاطلاعات فلسطین کے مطابق اسرائیل کے "فنڈ برائے زمین واگزاری” نے شمالی بیت المقدس میں کفر عقب میں نسلی دیوار سے متصل دو درجن مکانات کی تعمیر کی اسکیم تیاری کی ہے۔
اسرائیل ہے ہفتہ وار عبرانی جریدے "یروشلم” کی رپورٹ کے مطابق مکانات کی تعمیر کے لیے سرگرم ادارے نے بیت حنینا میں بائیس مکانات کی تعمیر کے لیے مختلف سرمایہ کاروں سے رابطہ کیا ہے جو یہاں پر 22 مکان تعمیر کرنے کے لیے تیار ہیں۔ اس ضمن میں انہوں نے رقوم کا کچھ حصہ فنڈز برائے واگزاری اراضی کو فراہم بھی کردیا ہے۔ تعمیرات کا یہ منصوبہ بیت المقدس کی بلدیہ کے رکن آرائیہ کنگ کی نگرانی میں مکمل کیا جائے گا۔