فلسطین کے مقبوضہ مغربی کنارے کے وسطی شہر رام اللہ میں صہیونی ریاستی دہشت گردی اور شام میں فلسطینی پناہ گزین کیمپ "یرموک” کے محاصرے کے خلاف نکالی گئی دو الگ الگ ریلیوں پر قابض اسرائیلی فوج نے طاقت کا وحشیانہ استعمال کیا ہے
جس کے نتیجے میں دسیوں افراد زخمی ہوگئے ہیں۔
مرکزاطلاعات فلسطین کے مطابق جمعہ کے روز مشرقی رام اللہ میں سلواد کے مقام پر نکالے گئے ایک جلوس پر صہیونی فوج نے براہ راست فائرنگ، ربڑ کی گولیاں چلائیں اور آنسو گیس کی اندھا دھند شیلنگ کی جس کے نتیجے میں دسیوں افراد زخمی ہوئے ہیں۔
عینی شاہدین کے مطابق مغربی سلواد میں یہودی بسیتوں کو ملانےوالی "شاہراہ نمبر 60” فلسطینی مظاہرین اور صہیونی فوج میں میدان جنگ بنی رہی۔ جہاں مظاہرین نے قابض فوج پر سنگ باری کی جبکہ قابض فوج نے شہریوں پر گولیوں اور آنسو گیس کی اندھا دھند شلینگ کی۔
ادھر شمالی رام اللہ میں جلزون مہاجرکیمپ کے سیکڑوں مکینوں نے شام میں فلسطینی پناہ گزینوں کے مرکزی کیمپ یرموک کے چھ ماہ سے جاری محاصرے اور کیمپ میں موجود مصائے کے شکار محصورین سے یکجہتی کے لیے ایک ریلی نکالی گئی۔ قابض فوج نے اس ریلی کو منتشر کرنے کے لیے طاقت کا اندھا دھند استعمال کیا، جس کے نتیجے میں درجنوں افراد زخمی ہوگئے۔
بشکریہ:مرکزاطلاعات فلسطین