اسلامی تحریک مزاحمت [حماس] نے مصرمیں پیش آنے والے واقعات میں قاہرہ حکومت کی الزام تراشی کی شدید الفاظ میں مذمت کی ہے۔ حماس کے ترجمان فوزی برھوم کا کہنا ہے کہ مصری حکومت اپنا داخلی بحران فلسطینیوں اور حماس پر مسلط کرنے کی کوشش کررہی ہے۔
مرکزاطلاعات فلسطین کے مطابق حماس کے ترجمان نے اپنے ایک بیان میں کہا کہ ان کی جماعت مصر کی موجودہ صورت حال کی ذمہ دار ہرگز نہیں ہے۔ حماس کی جنگ صرف صہیونی دشمن کے خلاف ہے۔ حماس کو اتنی فرصت نہیں کہ وہ اپنی توجہ فلسطینیوں کے بنیادی حقوق کی طرف سے ہٹا کر مصر کی داخلی صورت حال پروقت برباد کرے۔ حماس نے اپنا اور فلسطینیوں کا بوجھ کبھی کسی دوسرے ملک پر نہیں ڈالا اور نہ ہی بحران کو درآمد کیا ہے۔
فوزی برھوم نے قاہرہ حکومت اور مصری ذرائع ابلاغ پر زور دیا کہ وہ حماس سینا اور ملک کے دوسرے مقامات پر پیش آنے والے پرتشدد واقعات کی ذمہ داری فلسطینیوں پر ڈالنے کی سختی سے گریز کریں۔
خیال رہے کہ دو روز قبل جزیرہ نما سینا میں ہونے والے بعض پرتشدد واقعات اور منصورہ شہر میں دھماکوں کی ذمہ داری حماس سے وابستہ ایک جنگجو گروپ پر ڈالنے کی کوشش کی گئی تھی۔