بیت المقدس کے حوالے سے مخصوص اسمارٹ فون ایلیکیشن تیار

فلسطین میں اسرائیل کی ریاستی دہشت گردی، یہودی آباد کاری اور مسجد اقصیٰ کی روزمرہ کے حرمتی کی روک تھام کے لیے تو کوئی موثر اقدام نہیں اٹھایا گیا ہے تاہم عرب ممالک کے طلباء نے قبلہ اول اور بیت المقدس کے حوالے سے اسمارٹ فون ایلیکیشن کا ایک مخصوص سافٹ ویئر تیار کیا ہے۔ اس سافٹ ویئر کے ذریعے بیت المقدس کی قدیم اور جدید تہذیب وثقافت، اسرائیلی قبضے اور اس کے نتیجے میں ہونے والے نقصانات اوربیت المقدس کو درپیش خطرات کےبارے میں اہم معلومات فراہم کی جائیں گی۔

مرکزاطلاعات فلسطین "القدس یوتھ گروپ” کے نام سے یہ منفر ایلیکیشن کی کاوش  25  عرب اور مسلمان ملکوں کی نوجوانوں کی مشترکہ کاوش ہے۔ یہ موبائل ایلیکیشن "انڈرویڈ” اور "آئی فون” کے اسمارٹ موبائل میں آپریٹ کی جاسکے گی۔

موبائل فون ایلیکشن کی افتتاحی تقریب چار دسمبرکو عمان میں ہوئی جس میں پچیس ملکوں کے ماہرین نے شرکت کی۔ اجلاس کے بعد "مرکزاطلاعات فلسطین” سے گفتگو کرتےہوئے کہا کہ "القدس انفارمیشن ایلیکیشن” کا مقصد پوری دنیا بالخصوص مسلمان نوجوان طبقے میں القدس کے حوالے سے درست معلومات کی فراہمی ہے۔ ہم نے دیکھا ہے کہ دنیا بھرمیں پھیلے کڑوں افراد ایسے ہیں جو بیت المقدس کے بارے میں بہت کم معلومات رکھتے ہیں یا ان کے پاس معلومات ہیں مگر وہ غلط ہیں، جن کے ذرائع اسرائیلی ہیں۔ ہم نے انفارمیشن ٹیکنالوجی کے ماہرین کی مدد سے موبائل ایلیکیشن شروع کی منفرد اسکیم شروع کی۔ آج ہم اس میں کامیاب ہوچکے ہیں۔ اس اسمارٹ پروگروام میں مسجد اقصیٰ کے تمام اہم مقامات، اس کی تاریخی اہمیت، قبۃ الصخرہ، مسجد مروانی اور دیگر اہم مقامات کی مفصل معلومات فراہم کی جائیں گی۔