بیت المقدس میں یہودیوں کے لیے1500 مکانات کی تعمیرکی منظوری

 

خیال رہے کہ اسرائیلی حکومت نے بیت المقدس میں  793  مکانات کی تعمیر کے لیے کوئی تین ماہ قبل ٹینڈر طلب کیے تھے۔ ٹینڈر جمع کرانے کی آخری تاریخ کل  14  اکتوبر بروز پیر ختم ہو رہی ہے اور صہیونی تعمیراتی کمپنیوں میں مقابلہ بڑھ گیا ہے۔

 

رپورٹ کے مطابق اسرائیلی حکومت نے اپنے مجوزہ منصوبے کے مطابق "گیلو” کالونی میں  400 ،”جبل ابوغنیم” میں 183 ،”بسغات زئیف” میں  210 ،”افرات” میں 149 ،” معالیہ ادومیم” میں  92  اور "بیتارعلیٹ” میں  36  رہائشی یونٹ تعمیر کرنے کا فیصلہ کیا ہے۔

 

ہفت روزہ عبرانی جریدے کی رپورٹ کے مطابق گذشتہ اگست کے مہینے میں اسرائیلی حکومت نے مشرقی بیت المقدس میں مزید  2500  مکانات کی تعمیر کا اعلان کرنا تھا لیکن فلسطینی اتھارٹی کے ساتھ امن مذاکرات آگے بڑھانے کے لیے اس اعلان کو عارضی طور پر ملتوی کردیا گیا ہے۔ تاہم اب حکومت کا خیال ہے کہ وہ بتدریج ان مکانات کی تعمیر کا اعلان کرنا شروع کردے گی۔ تازہ اعلان کے مطابق  1500  مکانات کی تعمیر کا فیصلہ بھی دو ماہ قبل تیار ہونے والی اسکیم کا حصہ ہے۔ ان ڈیڑھ ہزار میں سے زیادہ تر مکانات "رمات شلومو” کالونی میں تعمیر کیے جائیں گے۔