قابض صیہونی فوجیوں نے ایک مرتبہ پھراپنی بے جا جارحیت کا مظاہرہ کرتے ہوئے فلسطینی شہر جنین کے قصبے”جابا” پر دھاوا بول کر دو فلسطینی شہریوں کو گرفتار کر لیا۔
مرکز اطلاعات فلسطین کے نمائندے کو مقامی لوگوں نے بتایا کہ قابض فوجی 20 سے زیادہ فوجی گاڑیوں میں آئے اور گھروں کی تلاشی کے دوران دو فلسطینی مردوں کو حراست میں لے لیا اور انکے گھر کے سامان کو بھی تلپٹ کر دیا۔
مقامی لوگوں نے بتایا کہ اپنی کارروائی کے بعد فوجیوں پر پتھرائوکرتے نوجوانوں پر گولیاں، آنسو گیس اور بے ہوش کر دینے والے گرنیڈ سے حملہ کر کے انکو خاموش کر دیا۔ کارروائی کے دوران آنسو گیس کے شیل گھروں میں جا گرے جس کے نتیجے میں درجنوں مقامی لوگوں کے سانس بحال کرنے کیلئے طبی امداد فراہم کرنی پڑی۔
بشکریہ:مرکزاطلاعات فلسطین