اسلامی تحریک مزاحمت (حماس) رکن پارلیمنٹ عماد نوقل نے کہا ہے کہ اسرائیلی صیہونی تعمیرات کے سلسلہ کو توسیع دے کر مقبوضہ بیت المقدس میں سٹیٹس کو کی صورتحال برقرار رکھنا چاہتا ہے تا کہ فلسطینیوں کو آزاد فلسطینی ریاست کے مطالبے پر بات کرنے کا موقع ہی نہ مل سکے- حماد نوقل نے پریس ریلیز میں کہا ہے کہ ہر روز جب اسرائیل فلسطینیوں کی زمین ہتھیا کر وہاں یہودی کالونیاں بناتا ہے تو آزاد فلسطینی ریاست کے قیام کے امکانات کم ہوتے چلے جاتے ہیں- انہوں نے یہودی تعمیرات کے سلسلہ میں امریکا اور یورپ کی منافقانہ پالیسی کو بھی شدید تنقید کا نشانہ بنایا- انہوں نے کہا کہ اسرائیل کو امریکااور یورپ کے موقف کی کوئی پرواہ نہیں کیونکہ کبھی تو وہ اسرائیلی موقف رد کرتے ہیں مگر پھر خود ہی خاموشی سے اس کی اجازت دے دیتے ہیں- انہوں نے استفسار کیا کہ مقبوضہ بیت المقدس اور دیگر فلسطینی علاقوں میں یہودی تعمیرات کا سلسلہ ختم ہونے پر امریکا اور دیگر یورپی ممالک کارروائی کیوں نہیں کرتے-
