مقبوضہ مغربی کنارے کے شہروں خاص طور پر رام اللہ میں عید الفطر کے موقع پر 1948 کے مقبوضہ علاقوں سے تعلق رکھنے والے فلسطینیوں کی آمد کے نتیجے میں شہر کی معیشت میں کچھ جان نظر آئی ہے۔
عید کے موقع پر رام اللہ میں شاپنگ کی غرض سے آنے والے فلسطینیوں نے بتایا ہے کہ وہ ایسے مواقع پر رام اللہ کا رخ اس لئے کرتے ہیں کیوںکہ اسرائیل میں اشیاء کی قیمتیں آسمان سے باتیں کررہی ہیں۔
مرکز اطلاعات فلسطین کے مقامی نمائندے کے مطابق رام اللہ شہر میں موجود تمام ہوٹل اس وقت بھر چکے ہیں۔ مغربی کنارے کے دکانداروں نے معیشت کی بحالی پر خوشی کا اظہار کرتے ہوئے یہ امید ظاہر کی ہے کہ رجحان اسی طرح چلتا رہے اور اس سے فلسطینی عوام کے درمیان اتحاد قائم رہے۔
بشکریہ:مرکزاطلاعات فلسطین