مجلس وحدت مسلمین کے سربراہ علامہ راجہ ناصر عباس جعفری نے فلسطین کانفرنس سے خطاب کرتے ہوئے کہا ہے کہ ہم دنیا کے تمام مظلوموں کے ساتھ ہیں اور ہر ظالم کے مخالف ہیں، افغانستان، عراق، مصر، کشمیر، شام اور فلسطین مسلم امہ کے سلگتے مسائل ہیں۔ آج لاکھوں فلسطینیوں کو ان کے گھروں سے بے دخل کر دیا گیا ہے۔
انہوں نے کہا کہ مسلمانوں کے قبلہ اول پر غاصب اسرائیل کا قبضہ ہے، اس قبضے کی سربراہی امریکہ اور یورپ کررہے ہیں لٰہذا مسلم امہ کو بیدار ہونا چاہیے اور اپنے اتحاد کے ذریعہ
غاصب اسرائیل کو نابود کر دینا چاہیے۔ انہوںنے پاکستان کے عوام سے اپیل کی ہے کہ پاکستان کے غیور عوام جمعة الوداع یوم القدس مناتے ہوئے فلسطینیوں کی حمایت اور غاصب صیہونی طاقتو ں امریکہ اور اسرائیل کے خلاف گھروں سے نکل پڑیں او ر پورے پاکستان کی فضاﺅں کو امریکہ مردہ باد اور اسرائیل نا منظور کے فلک شگاف نعروں کی گونج سے معطر کر دیں۔
سیکرٹری جنرل ایم ڈبلیو ایم کا کہنا تھا کہ امام خمینی رہ نے رمضان المبارک کے آخری جمعہ کو یوم القدس قرار دیکر فلسطین کے مسئلہ کو عربوں سے نکال عالمی اسلامی بیداری کا مرکز بنا دیا۔ کشمیر و فلسطین جیسے مسائل تہذیب یافتہ دنیا کے منہ پر طمانچہ ہیں۔ انہوں نے مزید کہا کہ پاکستان ایک طاقتور پاکستان مسلم ممالک کی قیادت کرسکتا ہے، لٰہذا حکمرانوں کو چاہیے کہ وہ پاکستان کے وقار کو بڑھانے اور اسے مضبوط بنانے کیلئے مضبوط حکمت عملی اپنانا ہوگی۔