اسرائیلی وزارت داخلہ کے زیرانتظام” منصوبہ بندی وتعمیرات” کمیٹی نے مقبوضہ بیت المقدس میں فلسطینیوں کی غصب کی گئی اراضی پر165 مکانات کی تعمیر کی منظوری دی ہے۔
مرکز اطلاعات فلسطین کے مطابق فلسطینی تجزیہ نگار اور یہودی بستیوں کے امور کے ماہر احمد صب لن نے میڈیا کو بتایا کہ صہیونی تعمیرات کمیٹی نے "نفی یعقوب” نامی یہودی کالونی میں 16 نئے رہائشی پلازے تعمیرکرنے کی اجازت فراہم کی ہے۔ ان پلازوں میں مجموعی طور پر165 فلیٹس بنائے جائیں گے۔
ایک سوال کے جواب میں احمد صب لبن کا کہنا تھا کہ صہیونی حکام نے "نفی یعقوب” کالونی میں توسیع کا نیا سلسلہ "بیزگات زئیف” کالونی کی سمت میں شروع کیا ہے۔ یہ مکانات دونوں کالونیوں کے درمیان حد فاصل کی حیثیت رکھتے ہیں۔ ان مکانات کی تعمیر کے بعد مقبوضہ مغربی کنارے اور بیت المقدس کے درمیان یہ علاقہ یہودی آبادوں کا گڑھ بن جائے گا۔
ایک سوال کے جواب میں احمد صب کا کہنا تھا کہ اسرائیلی حکومت نے”نفی یعقوب” کالونی میں ماضی میں کئی مرتبہ توسیعی پروگرامات شروع کیے ہیں۔ مجموعی طورپر اس کالونی میں 6513 مکانات کی تعمیر کی گنجائش رکھی گئی ہے۔ سنہ 2008ء میں پہلی مرتبہ اس کالونی میں 393 مکانات کی تعمیر کی درخواستیں دی گئی تھیں، جو اسی اسال منظور کر لی گئیں۔
بشکریہ:مرکزاطلاعات فلسطین