تحریک حماس کی جانب سے جاری اعدادوشمار کے مطابق قابض افواج نے پچضلے ہفتے کے دوران مغربی کنارے میں سے 63
فلسطینیوں کو حراست میں لے لیا تھا۔تحریک کا کہنا ہے کہ صیہونی فوجیوں نے مغربی کنارے کے مختلف شہروں، دیہات اور مہاجر کیمپوں میں گھروں پر روزانہ کی بنیاد پر چھاپے مارے۔
اعدادوشمار کے مطابق الخلیل شہر اس لسٹ میں 19 حراستوں کے ساتھ سرفہرست رہا، اس کے بعد 16 حراستیں رام اللہ شہر میں کی گئی اور چھ حراستیں یروشلم شہر میں کی گئی تھیں۔
اس کے علاوہ پانچ افراد کو نابلس، پانچ کو جنین اور پانچ افراد کو بیت لحم سے گرفتار کیا گیا۔ چار افراد کو طولکرم اور تین افراد کو قلقلیہ شہر سے گرفتار کیا گیا۔
رپورٹ میں کہا گیا ہے کہ ان گرفتار شدگان میں سے ایک حماس کے رہنما فلاح ندا بھی ہیں جن کا تعلق رام اللہ سے ہے۔ رپورٹ میں مزید کہا گیا کہ گرفتار شدگان میں یونیورسٹی کے طلباء اور حال ہی میں رہائی پانے والے اسیران شامل ہیں۔
بشکریہ:مرکزاطلاعات فلسطین