مغربی کنارے کے شہر الخلیل میں فلسطینیوں کی اسرائیلی فورسز کے ساتھ شدید جھڑپیں ہوئیں جن میں ایک نوجوان شہید ہوگیا۔ انیس سالہ معتز ادریش الشراونہ کو اسرائیلی فوجی گاڑی نے کچل ڈالا۔
الدورہ کے علاقے میں منگل کی علی الصبح شدید جھڑپیں شروع ہوگئیں۔ اس جھڑپوں کے دوران اسرائیلی فوجیوں نے گاڑی ان پر چڑھا دی۔ الشراونہ شدید زخمی ہوگئے جنہیں ہسپتال منتقل کردیا گیا، جہاں طبی عملے نے ان کی زندگی بچانے کی کوشش کی مگر وہ جاں بر نہ ہو سکے۔
اسرائیلی فوج نے علی الصبح دورا ٹاؤن پر ہلہ بولا جس پر فلسطینی نوجوانوں نے شدید مزاحمت شروع کردی اور اسرائیلی فوج پر پتھراؤ کیا اور پٹرول بم بھی پھینکے جس کے جواب میں اسرائیلی فوج نے فائرنگ شروع کردی اور ساؤنڈ بم برسائے۔ یہ جھڑپیں خرسا اور الطبقہ کے علاقے تک پھیل گئی۔
بشکریہ:مرکز اطلاعات فلسطین