اسرائیلی جیلوں میں مقید اردنی اسیران کی بھوک ہڑتال کو اس جمعہ کے دن 57 دن مکمل ہوگئے ہیں۔ اسیران نے اپنی ہڑتال دو مئی کو شروع کی تھی تاکہ وہ اسرائیلی جیل اتھارٹی سے اپنے جائز مطالبات منوانے کے لئے ان پر دبائو ڈال سکیں۔
اردنی بھوک ہڑتالی اسیران میں عبداللہ برغوثی، محمد ریماوی، منیر مراعی، علاء حماد، مراعی ابو سعدیہ شامل ہیں اور ان ک جیل حکام سے مطالبہ ہے کہ وہ ان کے خاندانوں کو ان سے ملاقات کی اجازت دیں اور انہیں اردنی جیلوں میں منتقل کیا جائے۔
اسی سے ملتے ایک واقعہ میں جمعہ کی دوپہر کو سینکڑوں فلسطینیوں نے کفر قدوم، بلعین اور نبی صالح دیہات میں اسرائیلی جیلوں میں قید اردنی اسیران کی حمایت میں ریلیاں نکالیں۔
مقامی ذرائع کے مطابق اسرائیلی فوج کی ان ریلیوں پر جارحانہ کاروائیوں کے نتیجے میں کئی فلسطینی اور غیر ملکی انسانی حقوق کے کارکنوں کو آنسو گیس اور ربڑ کی گولیوں سے چوٹیں آئیں۔
ان واقعات کے درمیان متعدد کارکنوں کو گرفتار بھی کرلیا گیا تھا۔
بشکریہ:مرکز اطلاعات فلسطین