فلسطینیوں کی نسل کشی کے لیے بے دریغ کیمیائی اورحیاتیاتی اسلحہ استعمال کرنے والی صہیونی فوج نے ایک نیا مضحکہ خیز اعلان کیا ہے کہ فوج آئندہ فلسطینیوں پر وائیٹ فاسفورس سے تیار کردہ "اسموک شیل” استعمال نہیں کرے گی۔
عبرانی میڈیا میں شائع فوجی ترجمان کی جانب منسوب ایک بیان بتایا گیا ہے کہ فلسطینی مظاہرین کو منتشر کرنے کے لیے جو اشک آور گیس کے شیل استعمال کیے جاتے ہیں، ان میں وائیٹ فاسفورس شامل ہوتا ہے جو مہلک ثابت ہوتے ہیں۔ فوج غیر مہلک سموک بم تیار کر رہی ہے جن میں وائیٹ فارسفورس اور دیگر مہلک دھاتوں کے استعمال کے بجائے صرف عام گیس استعمال کی جائے گی۔ بعد ازاں اسی اسموک بم کو فلسطینیوں کے خلاف استعمال کیا جائے گا۔
صہیونی فوج کے ترجمان نے یہ نہیں بتایا کہ آیا وہ موجودہ فاسفورس بموں کے متبادل غیر مہلک گیس سے تیار کردہ شیل کب تک تیار کرلیں گے تاہم فوج کا کہنا ہے کہ وہ نئے اسموک بم میں hexachlorobenzene ، زنگ آکسائیڈ اور ایلومینیم پاؤڈر کے مرکبات استعمال کریں گے۔
بشکریہ:مرکز اطلاعات فلسطین