اسرائیلی وزیراعظم بینجمن نیتن یاہو نے یہودی بستیوں کی توسیع کا کام روکنے اور اس معاملے میں فلسطینی مطالبوں کا جواب دینے سے انکار کردیا ہے۔
نیتن یاہو نے پیر کے روز کہا ہے کہ مغربی کنارے کی یہودی بستیوں میں تعمیر کا کام جاری رہے گا اور انہوں نے فلسطینی اتھارٹی کی جانب سے امن مذاکرات کی بحالی کے لئے لگائی جانے والی شرائط کو ناقابل عمل قرار دے دیا ہے۔
نیتن یاہو کا کہنا ہے کہ فلسطینیوں کے ساتھ کسی سیاسی معاہدے کے لئے یہودی بستیوں کی توسیع کے منصوبوں کو نہیں روکا جائیگا اور اصل سوال تو یہ ہے کہ کیا دوسری پارٹی صیہونی ریاست کو ماننے میں مخلص ہے یا نہیں۔
نیتن یاہو نے یہ بیان خارجہ اور دفاع معاملات کی کنیسٹ کمیٹی کے ایک سیشن سے خطاب کرتے ہوئے دیا ہے۔
بشکریہ:مرکز اطلاعات فلسطین