اسرائیلی جیلوں میں قید فلسطینی اسیروں پر اسرائیلی حکام کے مظالم کا سلسلہ بدستور جاری ہے اس سلسلے کی تازہ ترین مثال ہمیں اسیر محمد زکارنہ کی ملتی ہے جن سے اسرائیلی خفیہ ادارے تفتیش کررہے ہیں اور اس کے نتیجے میں ان کی کھوپڑی میں فریکچر ہوگیا ہے۔
محمد کے بھائی کمال زکارنہ کا کہنا ہے کہ محمد کو جلامہ تفتیشی سنٹر میں دوران تفیتش دیگر چوٹیں بھی آئیں تھیں۔
انہوں نے کہا کہ محمد پہلے ہی اپنی قید تنہائی کی وجہ سے شدید بیمار ہیں۔
انہوں نے اسرائیلی حکام کو اپنے بھائی کی زندگی کا پورا پورا ذمہ دار قرار دیا ہےاور کہا ہے کہ ایک اسرائیلی عدالت نے ان کی قید میں توسیع کردی تھی جس کا آغاز ابھی ایک ماہ پہلے ہی ہوا تھا۔
محمد زکارنہ فتح کے مسلح گروہ اقصیٰ بریگیڈز سے تعلق رکھتے ہیں۔ انہیں اسرائیلی حکام نے پہلے معافی دے دی تھی مگر انہیں ایک ماہ قبل جنین شہر کے داخلی راستے پر گھات لگا کر حراست میں لے لیا گیا تھا۔
بشکریہ:مرکز اطلاعات فلسطین