تحریک حماس نے قابض اسرائیلی حکام اور جنونی یہودیوں کو مسجد اقصیٰ پر دھاوا بولنے کی صورت میں متنبیٰ کیا ہے۔
حماس نے جنونی یہودیوں کی طرف سے مقدس مسجد پر دھاوا بولنے کے مطالبے پر اپنا موقف دیتے ہوئے کہا ہے کہ قابض حکام اور جنونی یہودی ایسے کسی بھی عمل کے نتائج کے ذمہ دار ہوں گے۔
تحریک حماس نے ایک بیان میں کہا ہے کہ مسجد اقصیٰ کی بے حرمتی کرنا ایک مجرمانہ فعل ہے اور مسلم عقائد کی بے حرمتی ہے۔
حماس نے اس بات کا اعلان کیا کہ مسجد اقصیٰ صیہونیوں کی تمام تر کوششوں کے باوجود صرف مسلمانوں کی رہے گی۔
حماس نے مسجد اقصیٰ تک رسائی رکھنے والے تمام فلسطینی لوگوں سے اپیل کی کہ وہ مقدس مقام تک پہنچیں اور یہودیوں کا مقابلہ کرکے بے حرمتی کی اس کوشش کو ناکام بنا دیں۔
بشکریہ:مرکز اطلاعات فلسطین